هناك ناس .....شعر شعبي

    zlibya
    zlibya
    المدير العام
    المدير العام

    ذكر عدد الرسائل : 410
    العمر : 46
    الاوسمه : هناك ناس .....شعر  شعبي Empty
    تاريخ التسجيل : 11/12/2008

    هناك ناس .....شعر  شعبي Empty هناك ناس .....شعر شعبي

    مُساهمة من طرف zlibya في السبت 13 ديسمبر - 12:59

    هناك ناس حبايب
    وهناك ناس تكرهْم بْغير سبايب
    ولا عقل عامر كيف عقل الخايب
    ولا وْجوه تَنْدى كي وجوه بخيله


    هناك ناس يا مَحْلاهم
    وهناك ناس ما تَقْدر تعيش بلاهم
    وهناك ناس حسْدِيَّه وسُود نْياهم
    ثْياب بِيض من بَرَّه وجَوَّه نِيله



    هناك ناس ما تَقْبلهم
    وهناك ناس لك غايه تْجول لْهَلهم
    وهناك ناس لا دارَوْا خَطَا تحملهم
    وهناك ناس في عَقْلك لهم تجْفيله
    وهناك ناس عالحَيِّين لا تجْملْهم
    اللي تْجيك منهم مالْها تبديله
    ولا يفْرقْوا ظنِّي الا بْعَمَلْهم
    ما حَدْ علي التّسْعه مْزَوّد لَيْله

    هناك ناس ما يَنْسوا اللي صارْلهم
    يردُّوه بعْباره ووافي كَيْله
    وهناك ناس لا هبّْ الهْبوب خَبَلْهم
    ونسْيَوا اللي عدَّى وضاع جميله
    ولا خير في اللي ما يْبات عَلَلْهم
    ولا في الخَلِيل ان كان فاتْ خليله



    هناك ناس يا مَبهاهم
    وهناك ناس تُوعدْهم وما تَلقاهم
    وان قابلتهم تَلقى العَذَارْ معاهم
    مْجَهّْزيَّنه ما عندهم تعْطيله
    كلامْهم اللي قالَوْه ضدّ نْياهم
    ان كان بَحّروا ينْوُوا على التّقبِيله
    احتار في مْوَدّتهم اللي ماشاهم
    مربّْيِينَّه شاطب وحَار دليله
    لصحاب كيف في صفّ العدو تلقاهم
    صحْبتْهم مْعاك مغير نَصْب وحِيله
    قِريب نقْصهم منَّك بعيد وفاهم
    مَشْيُول عالدّبَر في حمْلهم تمْيِيله
    مفتوح عالخْساره بَيْعهم وشْراهم
    السّتْرَه مْع بو صَحْبَين قليله

    هناك ناس اماره
    وهناك ناس ما ظنِّي يساوُوا باره
    وهناك ناس تلقى سَعْيهم في الكاره
    وأرزاق واجْدَه غير النّفوس بخيله
    والمال في قليل العزْم راهْ خْساره
    حتى وهُو حَكيم بعلْم في تعديله

    وهناك الفقير وما يسَيّب عاره
    حتى إن كان ما عنده الْيَدّ طويله
    وإن ما كان في جَيْبه قضي من جاره
    علي قيْس نِيتَه ربّْنا يعطي له
    مَوْكار الصْقُوره ما تْجيه حْبَارى
    ولا مْرَوّمَه تَلْحَق ثمَنْ لاِصيله
    وحظّك اللي ترْميه مالبذّاره
    يَطْلع بْعَينه تحْصدَه وتْشِيله

    شْوف الجمّل حتى إن خفّ عْباره
    صِليبه علي حمْلَه اخْرى ترْمِي له
    شديد العَصَب حَمَّال في مشواره
    قطّاع الفيافي وين مَدّ رحيله
    إن راد ربّْنا ما حَدْ يسيِّب كاره
    الرّاس راسْ والواطي ان زال وذيله



    هناك ناس يا مَبسَلْهم
    لا غَريب يَقْبلهم ولا من هَمْهم
    وهناك ناس في الحَيِّين شَيْن عَملْهم
    ذكَرْ نخِيل لا رَمْيَه ولا تظْلِيله
    عَلْقم وحَنْظل وين ما تاكلهم
    وان رافقتهم يبْقَوا عليك عَدِيله
    وان نازلتهم بالدّار جار لْهَلهم
    علَيْ عيْب عَيّل يجْردُوا بالعَيْله
    علي جارهم ديما يزيد عَلَلهم
    قْلال الْعنَا لا جَتْ الدَّلو ثقيله



    هناك ناس تكرههم من اوّل ليله
    وهناك ناس ما يهُونوا سْنين طويله
    خرياطيشن
    خرياطيشن
    نائب المدير
    نائب المدير

    ذكر عدد الرسائل : 332
    العمر : 47
    الموقع : اجدابيا
    العمل/الترفيه : كهربائى
    المزاج : خريوطى
    تاريخ التسجيل : 11/12/2008

    هناك ناس .....شعر  شعبي Empty رد: هناك ناس .....شعر شعبي

    مُساهمة من طرف خرياطيشن في الأحد 14 ديسمبر - 5:35

    مشكور خوى الزليتنى على النقل الرائع

    ومعش تنسى كتابة اسم الشاعر

    والقصيدة للشاعر المرحوم باذن الله

    (سعيد شلبى)ومنوووووووووووووووور

    تقبل مرورى وتحياتى
    zlibya
    zlibya
    المدير العام
    المدير العام

    ذكر عدد الرسائل : 410
    العمر : 46
    الاوسمه : هناك ناس .....شعر  شعبي Empty
    تاريخ التسجيل : 11/12/2008

    هناك ناس .....شعر  شعبي Empty رد: هناك ناس .....شعر شعبي

    مُساهمة من طرف zlibya في الثلاثاء 16 ديسمبر - 17:46

    والقصيدة للشاعر المرحوم باذن الله

    (سعيد شلبى)ومنوووووووووووووووور

    [quote]



    منور خوي لكن الحق دورت علي اسم الشاعر مالقيتا

    حطيت القصيده وخلاص
    avatar
    غالي


    هناك ناس .....شعر  شعبي RE357818


    عدد الرسائل : 25
    تاريخ التسجيل : 21/12/2008

    هناك ناس .....شعر  شعبي Empty رد: هناك ناس .....شعر شعبي

    مُساهمة من طرف غالي في الثلاثاء 23 ديسمبر - 0:41

    قصيده جميله منور خوي ننتظر المزيد

      الوقت/التاريخ الآن هو الإثنين 19 أغسطس - 17:32