خليك كيف ايوب واصبرصبره قصيدة الشاعر:روفه الدعبوب الرفادي

خليك كيف ايوب واصبرصبره
اوخذمن احداث الدهردرس اوعبره
خلك صابر
اوخليه ظيم الدهر يمشى عابر
كم جيل خلف ع الوطاه مقابر المفروض سيرتك كى سيرته تعتبره
واسمع نصايح من اشيوخ منابر
ان مات من عمل بيهن اينورقيره
خليك كيف ايوب وصبرصبره
واخذمن احداث الدهردرس اوعبره
خلى ايمانك
ابواحد عليم الحال فيده شانك
ولاايفيد من عزك ولا من هانك ولاحدذراه ايحول دونك غبره
انجيت فى ايمينك شايله ديوانك
تلقى مقامك فى النعيم وتبره
وانكان فى معاصيه ركح ميزانك
وتى بنانك للجحيم اوكبره
ووعى الزله من اطراف اللسانك
راها اكيد العظم تكسر هبره
خليك كيف ايوب وصبرصبره
اوخذمن احداث الدهردرس اوعبره
خلى افكارك
وراقب المولى فى جميع اسرارك
وخشى يوم قدامه اتشيل اوزارك
اوفوقك اللى دوبه امشبك ببره
وصعبت ياغالى على حفارك عليك فصله مافات طوحت شيره
روضه امافيه اتمد ابصارك والله فيه توعى جثتك منثبره
خليك كيف ايوب وصبرصبره
اوخذمن احداث الدهردرس اوعبره

خلى ايمانك
ابواحد عليم الحال فيده شانك
ولاايفيد من عزك ولا من هانك ولاحدذراه ايحول دونك غبره
انجيت فى ايمينك شايله ديوانك
تلقى مقامك فى النعيم وتبره
وانكان فى معاصيه ركح ميزانك
وتى بنانك للجحيم اوكبره
ووعى الزله من اطراف اللسانك
راها اكيد العظم تكسر هبره

والله خوى العزيز اكثر من رائع ومشكور جدا

تحياتى وتقديرى

قصيده روعه ومتميزه

منور خوي

مشكور اخي خرياطيشن وكذالك اخي الزليتني علي مروركم